No caso de que o estudantado admitido careza nalgún aspecto da formación necesaria para levar a cabo os estudos de doutoramento, a CAPD valorará, en función do expediente de acceso do estudante, a posibilidade de esixir ao devandito estudantado a realización dalgunha materia do Máster de Física Aplicada, sen que poidan superarse os 15 créditos ECTS. A realización destes complementos será simultánea á matrícula en tutela académica no programa e deberán superarse no prazo máximo de tres cuadrimestres consecutivos.
O estudantado será informados pola CAPD de que complementos específicos necesita. Entre devanditos posibles complementos pódense citar as seguintes materias do Máster de Física Aplicada:
- Física de disolucións
- Materiais poliméricos
- Física dos fenómenos críticos
- Física de dieléctricos
- Técnicas experimentais en Termofísica
- Propiedades de transporte
- Análise térmica de polímeros
- Propiedades mecánicas de polímeros
- Procesado, estrutura e morfoloxía de materiais poliméricos
- Tratamento e xestión de residuos sólidos urbanos
- Física da Teledetección
- Física da variabilidade e o cambio climático
- Modelización numérica de dispersión de contaminantes
- Procesos físicos en oceanografía
- Bases físicas de modelos atmosféricos e climáticos
- Procesamento láser de superficies e capas finas
- Procesamento de materiais mediante láseres de alta potencia
- Tecnoloxías ópticas de medida e inspección
- Modelos e simulación numérica en aplicacións dos láseres
- Técnicas de caracterización de películas delgadas e de superficies
- Física Computacional
- Física Matemática
- Aplicacións da holografía
O estudantado deberá posuír un coñecemento de inglés B1, de acordo aos niveis de coñecemento do Marco Común Europeo de Referencia sobre Coñecemento de Linguas.